Аб вэбінару з удзелам дзелавых колаў
29.07.2021 г.29 ліпеня б.г. пры садзейнічанні Пасольства Беларусі ў Аргенціне быў праведзены вебінар на тэму «Дзелавыя магчымасці Беларусі і Аргенціны», арганізаваны Мінскім аддзяленнем Беларускай гандлёва-прамысловай палаты і Аргенцінскай палатай малога і сярэдняга бізнесу. У мерапрыемстве ўзялі ўдзел больш за 50 прадстаўнікоў беларускіх і аргенцінскіх дзелавых колаў.
Падчас вебінару адбыліся прэзентацыі Мінскага аддзялення БелГПП і Аргенцінскай палаты малога і сярэдняга бізнесу, ажыццяўлён абмен інфармацыяй аб наяўных вытворчых і экспартных магчымасцях дзвюх краін. Прадстаўнікі шэрагу беларускіх і аргенцінскіх кампаній таксама правялі кароткія прэзентацыі вырабленай прадукцыі (паслуг), пазначыўшы зацікаўленасць ва ўсталяванні ўзаемавыгаднага двухбаковага супрацоўніцтва.
Па выніках сустрэчы Аргенцінскай палатай малога і сярэдняга бізнесу было прапанавана заключыць адпаведнае пагадненне аб супрацоўніцтве з Мінскім аддзяленнем БелГПП. Дасягнута дамоўленасць аб правядзенні ў бліжэйшай перспектыве чарговых мерапрыемстваў з удзелам бізнес-колаў бакоў, як у анлайн-фармаце, так і з магчымай арганізацыяй непасрэдна дзелавых візітаў.