Зняцце з консульскага ўліку

Зняцце з часовага консульскага ўліку ажыццяўляецца аўтаматычна на наступны дзень пасля даты, названай у якасці апошняга дня дзеяння часовага консульскага ўліку.

Зняцце з пастаяннага консульскага ўліку ажыццяўляецца па наступных падставах:

• вяртанне ў Рэспубліку Беларусь для пастаяннага пражывання
• змена месца жыхарства (консульскай акругі)
• спыненне грамадзянства Рэспублікі Беларусь
• ў сувязі са смерцю / гібеллю.

Грамадзяне Рэспублікі Беларусь, якія пастаянна пражываюць за межамі Рэспублікі Беларусь, якія жадаюць вярнуцца для пастаяннага пражывання ў Рэспубліку Беларусь, абавязаны зняцца з пастаяннага консульскага ўліку.

Падстава: Артыкул 21 Закона Рэспублікі Беларусь ад 20 верасня 2009 года "Аб парадку выезду з Рэспублікі Беларусь і ўезду ў Рэспубліку Беларусь грамадзян Рэспублікі Беларусь».

Грамадзянам Рэспублікі Беларусь, якія вярнуліся для пастаяннага пражывання ў Рэспублiку Беларусь i не зняліся пры гэтым са сталага консульскага ўліку ў Пасольстве, трэба звярнуцца з адпаведнай заявай аб зняцці з консульскага ўліку ў Галоўнае консульскае ўпраўленне МЗС Рэспублікі Беларусь (ГКУ МЗС РБ) альбо ў падраздзяленне па грамадзянстве і міграцыі па месцы планаванага пражывання.

Для зняцця з пастаяннага консульскага ўліку неабходна прадставіць у Пасольства наступныя дакументы:

Для грамадзяніна Рэспублікі Беларусь, якi дасягнуў 14-гадовага ўзросту:

• заяву па ўстаноўленай форме
• пашпарт заяўніка.

Для грамадзяніна Рэспублікі Беларусь, якое не дасягнула 14-гадовага ўзросту:

• заяву па ўстаноўленай форме
• пашпарт непаўналетняга
• пашпарт або іншы дакумент, які сведчыць асобу законнага прадстаўніка непаўналетняга

Дакументы прадвставляе законны прадстаўнік непаўналетняга.

За ажыццяўленне працэдуры зняцця з консульскага ўліку консульскі збор не спаганяецца.