Аб прыёме з нагоды святкавання Дня Незалежнасці Рэспублікі Беларусь
04.07.2019 г.2 ліпеня 2019 года ў будынку Пасольства Беларусі ў Аргенціне прайшоў дыпламатычны прыём, прымеркаваны да галоўнага дзяржаўнага свята Рэспублікі Беларусь – Дня Незалежнасці, а таксама 75-й гадавіны вызвалення краіны ад намецка-фашысцкіх захопнікаў.
У мерапрыемстве прынялі ўдзел супрацоўнікі Міністэрства замежных спраў і культа Аргенціны, дэпутаты Нацыянальнага парламента, дэпутаты і прадстаўнікі Ўраду г.Буэнас-Айрэс, члены дыпламатычнага корпуса, беларускай дыяспары, дзелавых кругоў, сродкаў масавай інфармацыі.
У сваім прывітальным слове Пасол Беларусі ў Аргенціне Уладзімір Астапенка адзначыў важнасць дадзенага свята для ўсіх беларусаў, адзначыў станоўчую дынаміку ў развіцці беларуска-аргенцінскіх адносін у розных галінах супрацоўніцтва і падкрэсліў, што Беларусь і Аргенціна маюць усе падставы для яшчэ большай актывізацыі працы па ўсім напрамкам.
У ходзе мерапрыемства быў арганізаваны паказ прэзентацыйных фільмаў пра Беларусь, праслухоўванне музыкі вядомых беларускіх гуртоў, дэгустацыя страў нацыянальнай кухні. Прадстаўнiкi клуба «Усход» прадэманстравалі гасцям беларускія нацыянальныя касцюмы.
